రూ. 21లక్షల విలువ చేసే గంజాయి పట్టివేత

ఏపీలోని విజయనగరం జిల్లా శృంగవరపుకోట మండల పరిధిలో గంజాయితో వెళ్తున్న బొలేరో వాహనాన్ని పోలీసులు పట్టుకున్నారు. సుమారు రూ. 21 లక్షల విలువ చేసే గంజాయిని వాహనంలో గుర్తించారు.

ఆంధ్రప్రదేశ్​లోని విజయనగరం జిల్లా శృంగవరపుకోట మండలం బొడ్డవర చెక్​పోస్టు వద్ద... గంజాయితో వెళ్తున్న బొలేరో వాహనాన్ని పోలీసులు పట్టుకున్నారు. ముందస్తు సమాచారం మేరకు వాహనాల తనిఖీలు చేపట్టిన పోలీసులు బొలేరోను తనిఖీ చేయగా.. 30 సంచుల గంజాయి బయటపడింది.

డ్రైవర్​తో పాటు అతని సహయకుడిని పోలీసులు అదుపులోకి తీసుకున్నారు. ఇద్దరూ బీహార్​కు చెందిన వారిగా గుర్తించారు. పట్టుబడిన గంజాయి విలువ రూ. 21 లక్షలు ఉండవచ్చని పోలీసులు అంచనా వేశారు.

ఇదీ చదవండి: 'నాన్న.. నువ్వు నా శవాన్ని కూడా తాకడానికి వీల్లేదు'