హైదరాబాద్ మంగళ్హాట్ పోలీస్స్టేషన్ పరిధిలోని బలరాం గల్లీలో గంజాయి అమ్ముతున్నారన్న కచ్చితమైన సమాచారం మేరకు వెస్ట్జోన్ టాస్క్ ఫోర్స్ పోలీసులు సోదాలు నిర్వహించారు. హజరి హోటల్, అప్పర్ దూల్పేట్ వద్ద గంజాయిని విక్రయిస్తున్న నర్సింగ్, దుర్గేశ్లను అదుపులోకి తీసుకున్నారు. వారి వద్ద నుంచి 24 కిలోల గంజాయిని స్వాధీనం చేసుకున్నారు.
వృత్తిరీత్యా నర్సింగ్ కార్పెంటర్ పని చేస్తాడని తనకు వచ్చే ఆదాయం అంతంత మాత్రమే ఉండడం వల్ల ఈ వక్రమార్గాన్ని ఎంచుకున్నట్లు పోలీసులు తెలిపారు. విశాఖపట్నం నుంచి 7 వేలకు రెండు కేజీలలెక్క తెచ్చి అవసరం ఉన్నవారికి 10 నుంచి 12 వేల రూపాయలకు అమ్ముతున్నట్లు చెప్పారు. కస్టమర్లకు గంజాయ్ అందించడానికి తన మేనల్లుడైన దుర్గేశ్ను పనిలో పెట్టుకున్నట్టు వెల్లడించారు. వీరిరువురిపై కేసు నమోదు చేసి విచారిస్తున్నట్టు పోలీసులు పేర్కొన్నారు.
ఇదీ చూడండి: ఈ దొంగలు ఏకంగా జవాన్ల అవతారమెత్తి మోసగిస్తున్నారు : సజ్జనార్
