చెరువులో పడి వ్యక్తి మృతి.. కేసు నమోదు

ప్రమాదవశాత్తు చెరువులో పడి ఓ వ్యక్తి మృతి చెందాడు. గుర్తించిన స్థానికులు పోలీసులకు సమాచారం అందించారు. ఘటనా స్థలికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు.

పెద్దపల్లి జిల్లా ముత్తారం మండలం దర్యాపూర్​లో విషాదం చోటుచేసుకుంది. గ్రామ సమీపంలోని చెరువులో పడి పుట్టకోల్ల రవీందర్ అనే వ్యక్తి మృతి చెందాడు.

గురువారం మధ్యాహ్నం చెరువులో మృతదేహాన్ని గుర్తించిన స్థానికులు పోలీసులకు సమాచారం అందించారు. ఘటనా స్థలికి చేరుకున్న పోలీసులు శవాన్ని పోస్టుమార్టం నిమిత్తం ఆసుపత్రికి తరలించారు. ఈ మేరకు కేసు నమోదు చేసుకుని దర్యాప్తు చేస్తున్నారు.

మృతుడు రవీందర్​ అడవి శ్రీరాంపూర్​ గ్రామానికి చెందిన వ్యక్తిగా గ్రామస్థులు గుర్తించారు. చేపలు పట్టేందుకు చెరువు వద్దకు వెళ్లి ప్రమాదవశాత్తు అందులో పడి మృతి చెంది ఉంటాడని భావిస్తున్నారు.

ఇదీచూడండి.. ఐదో తరగతి వరకే చదివాడు... ప్రముఖ ఆస్పత్రుల్లో పెద్ద డాక్టరయ్యాడు!