తుంగభద్ర నదిలో జారిపడి యువకుడి మృతి

స్నేహితులతో సరదాగా గడుపుదామని వచ్చిన ఆ యువకుడు అనంతలోకాలకు వెళ్లాడు. అందరూ పవిత్రంగా పూజలు చేస్తున్న తుంగభద్ర నదిలో మృత్యువాత పడ్డాడు. ఈ విషాదకర ఘటన జోగులాంబ గద్వాల జిల్లా అలంపూర్​ మండలం నేలంపాడు గ్రామ సమీపంలో చోటుచేసుకుంది.

జోగులాంబ గద్వాల జిల్లా అలంపూర్ తుంగభద్ర నదిలో యువకుడు మృతి చెందాడు. నందికొట్కూర్​కు చెందిన జాకీర్ హుస్సేన్ స్నేహితులతో కలిసి వచ్చాడు. స్నేహితులతో కలిసి సరదాగా గడుపుతున్న సమయంలో అనుకోకుండా నేలంపాడు గ్రామ సమీపంలోని తుంగభద్ర నదిలో జారిపడినట్లు ఎస్సై తెలిపారు. కేసు నమోదు చేసుకుని దర్యాప్తు చేస్తున్నట్లు ఆయన పేర్కొన్నారు. జాకీర్​ మృతదేహాన్ని పోస్టుమార్టం నిమిత్తం ఆస్పత్రికి తరలించారు.

ఇదీ చదవండి: హైదరాబాద్​లో 20 లక్షల హవాలా డబ్బు స్వాధీనం