వాటర్​ ట్యాంక్ ​పైనుంచి దూకి వ్యక్తి ఆత్మహత్య

అనారోగ్యంతో బాధపడుతున్న ఓ వ్యక్తి.. వాటర్​ ట్యాంక్ ​పైనుంచి దూకి ఆత్మహత్యకు పాల్పడ్డాడు. ఘటనా స్థలానికి చేరుకున్న పోలీసులు కేసు నమోదు చేసుకుని దర్యాప్తు ప్రారంభించారు. ఈ ఘటన మేడ్చల్​ జిల్లాలో చోటుచేసుకుంది.

మేడ్చల్-మల్కాజిగిరి జిల్లా దుండిగల్ పోలీస్​ స్టేషన్​ పరిధిలోని గాగిల్లాపూర్​కు చెందిన​ మాలోత్ విఠల్ పెయింటర్​గా పనిచేసుకుంటూ జీవనం సాగించేవాడు. గత కొన్ని రోజులుగా అనారోగ్యంతో బాధపడుతున్నాడు. ఈ క్రమంలోనే మనస్తాపానికి గురైన విఠల్​.. స్థానికంగా ఉన్న వాటర్ ట్యాంక్​ పైనుంచి దూకి ఆత్మహత్యకు పాల్పడ్డాడు.

స్థానికులు దుండిగల్​ పోలీసులకు సమాచారం అందించారు. ఘటనా స్థలికి చేరుకున్న పోలీసులు మృతదేహాన్ని పోస్టుమార్టం నిమిత్తం గాంధీ ఆసుపత్రికి తరలించారు. ఈ మేరకు కేసు నమోదు చేసుకుని దర్యాప్తు చేస్తున్నారు.