కల్తీ పాలు తయారు చేస్తున్న వ్యక్తి అరెస్ట్‌..

కల్తీ పాలను తయారు చేస్తోన్న ఓ వ్యక్తిని పోలీసులు అదుపులోకి తీసుకున్నారు. నిందితుని వద్ద నుంచి 300 లీటర్ల కల్తీ పాలను స్వాధీనం చేసుకున్నారు.

యాదాద్రి భువనగిరి మండలం బొల్లేపల్లిలో కల్తీ పాలు తయారు చేస్తోన్న కుసుకుంట్ల జంగారెడ్డి అనే వ్యక్తిని భువనగిరి ఎస్‌వోటీ పోలీసులు అదుపులోకి తీసుకున్నారు. నిందితుడి వద్ద నుంచి 300 లీటర్ల కల్తీ పాలు, 8 లీటర్ల హైడ్రోజన్ పెరాక్సైడ్, 13 ఖాళీ పాల పౌడర్ ప్యాకెట్లను స్వాధీనం చేసుకున్నారు.

ఈ మేరకు నిందితుడిని రూరల్ పోలీసులకు అప్పగించారు. కేసు నమోదు చేసుకున్న పోలీసులు దర్యాప్తు ప్రారంభించారు.