ఆటోను ఢీకొట్టిన లారీ... భర్త మృతి, భార్య, పిల్లలకు గాయాలు

ఆటోలో స్వగ్రామానికి వెళ్తున్న ఓ కుటుంబాన్ని లారీ ఢీ కొట్టింది. ఘటనలో ఓ వ్యక్తి అక్కడికక్కడే మృతి చెందారు. తండ్రిని కోల్పోయిన పిల్లలు రోడ్డుపై రోదిస్తున్న ఘటన స్థానికులను కలచివేసింది. ఈ ప్రమాదం మెదక్ జిల్లాలో జరిగింది.

మెదక్ జిల్లా పాపన్నపేట మండలం నాగసన్ పల్లికి చెందిన నర్సింలు గౌడ్ అచ్చన్నపేట నుంచి తన స్వగ్రామంకు ఆటోలో బయలుదేరారు. పేరూరు వద్దకు రాగానే చెరుకు లారీ వీరి ఆటోను ఢీకొట్టింది. ఈ ఘటనలో ఒకరు అక్కడికక్కడే మృతి చెందారు.

మృతుని భార్య నవనీత, కూతురు భార్గవి, కుమారుడు అఖిలేష్​కు సైతం గాయాలయ్యాయి. మృతదేహాన్ని పోస్టుమార్టం నిమిత్తం మెదక్ ప్రభుత్వాసుపత్రికి తరలించినట్లు పోలీసులు తెలిపారు. లారీ డ్రైవర్ పరారీలో ఉన్నాడని.. లారీని సీజ్ చేసి మెదక్ రూరల్ పోలీస్ స్టేషన్​కు తరలించినట్లు మెదక్ రూరల్ ఎస్సై కృష్ణారెడ్డి పేర్కొన్నారు.

ఇదీ చూడండి : ఇద్దరు పిల్లలతో కలిసి చెరువులో దూకి ఆత్మహత్య చేసుకున్న తల్లి