రోడ్డు దాటుతుండగా ప్రమాదం... లారీ డ్రైవర్​ మృతి

రోడ్డు దాటుతున్న లారీ డ్రైవర్​ను ఓ గుర్తు తెలియని వాహనం ఢీకొనగా... అతను అక్కడికక్కడే మరణించాడు. పోలీసులు కేసు నమోదు చేసుకుని దర్యాప్తు చేస్తున్నారు.

రంగారెడ్డి జిల్లా ఓఆర్ఆర్​పై ఘోర ప్రమాదం సంభవించింది. ఈ ఘటనలో ఓ వ్యక్తి అక్కడిక్కడే మృతి చెందాడు. హిమాయత్ సాగర్ సమీపంలో గచ్చిబౌలి వెళ్తున్న లారీ డ్రైవర్​... శంషాబాద్​ వెళ్తున్న లారీ డ్రైవర్ వద్ద​ డబ్బులు తీసుకున్నాడు.

తిరిగి తన లారీ వద్దకు వచ్చేందుకు రోడ్డు దాటుతుండగా... గుర్తు తెలియని వాహనం ఢీకొట్టింది. ఈ ప్రమాదంలో తీవ్రంగా గాయపడిన డ్రైవర్ అక్కడికక్కడే మృతి చెందాడు. కేసు నమోదు చేసుకున్న పోలీసులు... డ్రైవర్ మృతికి కారణమైన గుర్తు తెలియని వాహనం కోసం గాలిస్తున్నారు.

ఇదీ చూడండి: కుటుంబ కలహం.. అన్నను హతమార్చిన చెల్లి