73 మందికి నకిలీ ఈ పాస్​లు.. నిందితుడు అరెస్ట్

తెలంగాణ నుంచి ఏపీకి వెళ్లేందుకు ఈపాస్​లు ఇప్పిస్తానని చెప్పి 73 మందికి నకిలీ ఈపాస్​లు ఇచ్చిన వ్యక్తిని కృష్ణా జిల్లా చిలకలపూడి పోలీసులు అదుపులోకి తీసుకున్నారు. ఏపీ డీజీపీ ఆఫీస్ నుంచి జారీ చేసిన ఈ పాస్​ల పేరుతో నెల్లూరు, ప్రకాశం జిల్లాకు చెందిన వారికి నకిలీ పాస్​లు ఇచ్చినట్లు పోలీసుల విచారణలో తేలింది.

ఈపాస్​లు ఇప్పిస్తానని దాదాపు 73 మందికి ఫోర్జరీ చేసిన ఈపాస్​లు ఇచ్చిన వ్యక్తిని కృష్ణా జిల్లా చిలకలపూడి పోలీసులు అదుపులోకి తీసుకున్నారు. తెలంగాణ నుంచి ఏపీ వెళ్లేందుకు ఆ రాష్ట్ర డీజీపీ ఆఫీస్ నుంచి జారీ చేసిన ఈ పాస్​ల పేరుతో నెల్లూరు, ప్రకాశం జిల్లాకు చెందిన 73 మందికి వీటిని ఇచ్చిన వ్యక్తిని మందా పవన్‌ కుమార్​గా గుర్తించారు. అతడిని‌ అరెస్ట్‌ చేశారు. చిలకలపూడి సీఐ వెంకట నారాయణ.. ప్రత్యేక ఆపరేషన్​తో నిందితుడిని పట్టుకున్నారు.