భద్రాద్రి కొత్తగూడెం జిల్లా భద్రాచలం నుంచి హైదరాబాద్ ధూల్పేట్కు తరలిస్తున్న నిషేధిత గుట్కాను జుమారత్ బజార్ వద్ద పోలీసులు పట్టుకున్నారు. దాదాపు 20 కిలోలకు పైగా గంజాయిని ఎన్ఫోర్స్మెంట్ అధికారులు స్వాధీనం చేసుకున్నారు. జుమారత్ బజార్ వద్ద తనిఖీలు చేస్తున్న పోలీసులు.. అనుమానం వచ్చి ఓ ఆటోరిక్షాను అడ్డుకున్నారు.
ఆటో వెనకభాగాన ప్రత్యేకంగా ఏర్పాటు చేసిన కంపార్ట్మెంట్లో దాచిన 20 కిలోల గంజాయిని పట్టుకున్నారు. ఈ ఘటనలో షేక్ సమాద్ యాకుబ్ పాషా, తేజోవత్ సురేశ్, మహమూద్ అబ్ధుల్ ఆజాద్లను అరెస్టు చేసినట్లు ఎన్ఫోర్స్మెంట్ ఏఈఎస్ అంజిరెడ్డి తెలిపారు. ఆటోతో పాటు నాలుగు మొబైల్ఫోన్లు స్వాధీనం చేసుకున్నట్లు వెల్లడించారు.
నిందితులను విచారించగా.. తూర్పుగోదావరి జిల్లా రాయవరానికి చెందిన బాల్రెడ్డి, తాతారెడ్డిలు .. కిలో రెండు వేల రూపాయలకు కొనుగోలు చేసి 38 కిలోల గంజాయిని భద్రాచలానికి తరలించారని వివరించారు. భద్రాచలంలో వారి నుంచి కిలో నాలుగు వేల రూపాయలకు కొనుగోలు చేసిన గంజాయిని హైదరాబాద్ ధూల్పేటకు తరలిస్తున్నట్లు విచారణలో నిందితులు తెలిపారని.. పేర్కొన్నారు. ఈ గ్యాంగ్లో 8 మంది నిందితులున్నట్లు గుర్తించిన పోలీసులు.. ఐదుగురిని అరెస్టు చేసినట్లు తెలిపారు.
