సంచలనం రేపిన హేమంత్ హత్య కేసులో జైల్లో ఉన్న నిందితులు... అవంతి తండ్రి లక్ష్మారెడ్డి, మేనమామ యుగేందర్ రెడ్డిని పోలీసులు కస్టడీలోకి తీసుకున్నారు. విచారణలో భాగంగా రెండు రోజులు ప్రశ్నించనున్నారు. ఈ కేసులో ఇప్పటికే 14 మందిని అరెస్టు చేసి రిమాండ్కు తరలించిన పోలీసులు.. ప్రస్తుతం ప్రధాన నిందితులుగా ఉన్న లక్ష్మారెడ్డి, యుగేందర్ రెడ్డిని విచారించనున్నారు. ప్రభుత్వంతో మాట్లాడి ఈ కేసును ఫాస్ట్‌ట్రాక్ కోర్టు ద్వారా విచారణ జరిపిస్తామని సీపీ సజ్జనార్ తెలిపారు. బాధితులకు న్యాయం చేస్తామని ఈ కేసులో ఏ ఒక్కరికి సంబంధం ఉన్నా ఎవరిని వదిలిపెట్టేది లేదని సీపీ పేర్కొన్నారు.
హేమంత్ ఇంటి వద్ద భద్రత
సైబరాబాద్ సీపీ సజ్జనార్‌ను హేమంత్ కుటుంబ సభ్యులు కలిశారు. హేమంత్ కుటుంబ సభ్యులకు, తనకు ప్రాణహాని ఉందని అవంతి... సీపీకి విన్నవించుకున్నారు. నిందితులను కఠినంగా శిక్షించాలని కోరారు. హేమంత్ కుటుంబ సభ్యుల వినతిపై స్పందించిన సీపీ సజ్జనార్... హేమంత్ ఇంటివద్ద 24 గంటల భద్రత ఏర్పాటు చేయాలని పోలీసులను ఆదేశించారు.
ఇదీ చూడండి: హేమంత్ హత్య కేసు నిందితులకు పోలీసు కస్టడీ
