గుట్కా విక్రయిస్తున్న దుకాణంపై టాస్క్​ ఫోర్స్​ దాడి

హైదరాబాద్​లోని బోరబండలో నిషేధిత గుట్కా విక్రయిస్తున్న దుకాణంపై టాస్క్‌ఫోర్స్‌ పోలీసులు దాడి చేశారు. ఏడు లక్షల రూపాయల విలువ చేసే గుట్కాను స్వాధీనం చేసుకున్నారు.

హైదరాబాద్​లోని బోరబండలో నివాసముంటున్న మహ్మద్‌ అఫ్జల్‌... స్థానికంగా ఎస్‌కే ట్రేడర్స్‌ దుకాణం నిర్వహిస్తున్నాడు. కొంతకాలంగా గుట్టుచప్పుడు కాకుండా నిషేధిత గుట్కాను తన దుకాణంలో విక్రయిస్తున్నారన్న ఫిర్యాదు వచ్చింది.

దీంతో షాపుపై నిఘా పెట్టిన టాస్కోఫోర్స్​ పోలీసులు... దాడి చేసి భారీగా గుట్కాను స్వాధీనం చేసుకున్నారు. దీని విలువ రూ. ఏడు లక్షలు ఉంటుందని తెలిపారు. నిందితుడు అఫ్జల్‌ను అదుపులోకి తీసుకుని కేసు నమోదు చేసినట్లు పోలీసులు తెలిపారు.

ఇదీ చూడండి: ఈ నెల 12 నుంచి 40 జతల ప్రత్యేక రైళ్లు