అక్రమంగా నిల్వ ఉంచిన గుట్కా పాకెట్లు స్వాధీనం

నారాయణపేట జిల్లాలో జరిగిన టాస్క్​ఫోర్స్ దాడుల్లో లక్ష రూపాయల విలువ చేసే నిషేధిత గుట్కా పాకెట్లను స్వాధీనం చేసుకున్నారు. పక్కా సమాచారంతో సోదాలు నిర్వహించిన పోలీసులు రవిశెట్టి అనే వ్యక్తిని అదుపులోకి తీసుకున్నారు.

నారాయణపేట జిల్లా మరికల్​ పోలీస్​స్టేషన్​ పరిధిలోని మద్వార్ గ్రామంలో టాస్క్​ఫోర్స్ పోలీసులు సోదాలు నిర్వహించారు. అక్రమంగా నిల్వ ఉంచారన్న సమాచారంతో దాడులు చేసి, లక్ష రూపాయల విలువ చేసే నిషేధిత గుట్కా పాకెట్లను స్వాధీనం చేసుకున్నారు.

మద్వార్ గ్రామంలో హనుమాన్​ కిరాణ దుకాణం నిర్వహిస్తున్న రవిశెట్టి అనే వ్యక్తిని పట్టుకుని స్థానిక పోలీస్​స్టేషన్​లో అప్పగించారు. అతనిపై కేసు నమోదు చేసి, దర్యాప్తు చేస్తున్నట్లు పోలీసులు వెల్లడించారు.

ఇదీ చూడండి:నకిలీ జర్దా తయారీ కేంద్రంపై​ పోలీసులు దాడి..