హైదరాబాద్ గాంధీనగర్ పోలీస్స్టేషన్లో విధులు నిర్వహిస్తున్న సబ్ ఇన్స్పెక్టర్ లక్ష్మీనారాయణను అనిశా అధికారులు అరెస్ట్ చేశారు. స్టేషన్లోని కేసు నెంబర్ 240/20లో నిందితుడిగా ఉన్న ఎం. సంతోష్రెడ్డి.. నకిలీ సర్టిఫికేట్ తయారు చేస్తూ ఇటీవల జైలుకు వెళ్లి బెయిల్పై విడుదలయ్యారు.
కేసు విచారణ నిమిత్తం సాయం చేసేందుకు ఎస్సై లక్ష్మీనారాయణ రూ. 30 వేలు డిమాండ్ చేశారు. ఈ మేరకు నిందితుడు ఏసీబీ అధికారులను ఆశ్రయించారు. పక్కా వ్యూహంతో డబ్బులు తీసుకుంటున్న సమయంలో ఎస్సై లక్ష్మీనారాయణతో పాటు అతనికి సహాయపడిన కానిస్టేబుల్ నరేష్ను అనిశా అధికారులు అరెస్ట్ చేశారు.
ఇదీ చదవండిః పోలీసు స్టేషన్ నుంచి పరారైన దొంగ
