హైదరాబాద్ గగన్‌పహాడ్‌ వద్ద జాతీయరహదారిపై వరద బీభత్సం సృష్టించింది. చెరువు తెగి జాతీయరహదారిపైకి వరద నీరు చేరుకుంది. ఈ వరద ఉద్ధృతిలో 30 కార్లు, 30 మంది ప్రయాణికులు గల్లంతయ్యారు. మట్టి పూడికలో పలు కార్లు, మూడు మృతదేహాలను వెలికితీశారు. హైదరాబాద్-బెంగళూరు, చిత్తూరు వెళ్లే రహదారిలో రాకపోకలు నిలిచిపోయాయి.
గగన్పహాడ్కు సైబరాబాద్ సీపీ సజ్జనార్, ఎమ్మెల్యే ప్రకాశ్ గౌడ్, రంగారెడ్డి జిల్లా కలెక్టర్ అమోయ్ కుమార్ చేరుకున్నారు. అక్కడి పరిస్థితిని సమీక్షిస్తున్నారు. ప్రమాదంలో చనిపోయిన వారి కుటుంబసభ్యులు కన్నీరుమున్నీరుగా విలపించారు.
ఇదీ చదవండి: భారీ వర్షాలకు రాష్ట్ర వ్యాప్తంగా 13 మంది మృతి
