కామారెడ్డి జిల్లా ఎల్లారెడ్డి మండలం సోమర్యాగడి తండాకు చెందిన లకావత్ దేవిసింగ్ (34) అప్పుల బాధతో బలవన్మరణానికి పాల్పడ్డాడు. తన రెండెకరాల పొలంలో నాలుగు బోర్లు వేసినా నీరు పడకపోవంతో అప్పుల పాలయ్యాడు. దీనికి తోడు పంట దిగుబడి రాక మానసిక వేదనకు గురయ్యాడు.
ఆదివారం రాత్రి ఎనిమిది గంటలకు ఇంటినుంచి బయటికి వెళ్లిన దేవిసింగ్ తన పొలంలోనే చెట్టుకు ఉరి వేసుకుని ఆత్మహత్య చేసుకున్నాడు. ఈ ఘటనపై సమాచారం అందుకున్న పోలీసులు పోస్టుమార్టం కోసం మృతదేహాన్ని ప్రభుత్వాస్పత్రికి తరలించారు. మృతుని పెద్ద భార్య ఫిర్యాదుతో కేసు నమోదు చేసుకుని దర్యాప్తు చేస్తున్నట్లు ఎస్ఐ శ్వేతా తెలిపారు.
