సౌదీలో ఉన్న తన భర్తతో మాట్లాడనివ్వటం లేదన్న కోపంతో అత్తపై కోడలు దాడి చేసింది. ఈ ఘటన హైదరాబాద్ మల్లెపల్లి ఫిరోజ్ గాంధీనగర్లో చోటుచేసుకుంది. బతుకుదెరువు కోసం ఉబిద్ అలీఖాన్ సౌదీకి వెళ్లాడు.
భార్య అత్త, మామల వద్దే ఉంటోంది. ఈ క్రమంలో సౌదీ నుంచి ఉబిద్ ఫోన్ చేస్తే మాట్లాడనివ్వక పోవటం... తన పోషణ గురించి పట్టించుకోవటం వల్ల కోపోద్రిక్తురాలైన కోడలు అత్తపై దాడికి దిగింది. అత్త జుట్టు పట్టుకుని వీధిలోకి ఈడ్చుకొచ్చి మరీ కొట్టింది. ఈ దాడికి సంబంధించిన దృశ్యాలు సీసీటీవీ కెమెరాల్లో నమోదయ్యాయి. ఈ ఘటనపై హుమాయున్ నగర్ పోలీస్ స్టేషన్లో కేసు నమోదైంది.
