డీలర్షిప్ పేరుతో సైబర్ నేరగాళ్లు దాదాపు రూ.5.75 లక్షల మోసం చేశారు. హల్దీరామ్స్ ప్రైవేట్ కంపెనీ సంస్థ నుంచి డీలర్షిప్ కోసం గూగుల్లో సికింద్రాబాద్కు చెందిన వ్యక్తి ఫోన్ నంబర్ సర్చ్ చేశాడు.
గూగుల్లో ఉన్న ఫోన్ నంబర్తో మాట్లాడి మాకు డీలర్షిప్ కావాలని చెప్పాడు. అదే అదనుగా తీసుకొని సైబర్ మోసగాళ్లు డీలర్షిప్ రిజిస్ట్రేషన్ ఫీజు కంపెనీ టర్మ్స్ అండ్ కండిషన్స్ పెట్టారు. వివిధ పేర్లతో ఆన్లైన్ ద్వారా రూ.5.75 లక్షలు బాధితుడు పంపించాడు. తర్వాత ఫోన్ స్విచ్ ఆఫ్ కావడంతో మోసపోయానని గమనించిన బాధితుడు... హైదరాబాద్ సీసీఎస్ పోలీసులకు ఫిర్యాదు చేశాడు. కేసు నమోదు చేసుకున్న సైబర్ క్రైమ్ పోలీసులు దర్యాప్తు చేస్తున్నారు.
ఇదీ చూడండి: సైబర్ సెక్యూరిటీ నిపుణులకు పెరుగుతున్న డిమాండ్‌
