హైదరాబాద్ యూసుఫ్గూడ ప్రాంతానికి చెందిన సునిల్ కుమార్ ప్రైవేటు ఉద్యోగి. ఇటీవల ఆయన తన సిబిల్ రిపోర్ట్ చూసుకున్నారు. అందులో స్కోర్ చాలా తక్కువగా ఉండటంతో ఆరా తీశాడు. ఈ నేపథ్యంలో సునిల్ ఆరు బ్యాంకుల్లో లక్ష చొప్పున రుణం తీసుకున్నట్లు.. ఆ మొత్తాలు చెల్లించకపోవడం వల్ల డిఫాల్డ్ అయినట్లు తెలుసుకున్నాడు. అయితే ఈ రుణాల విషయం తనకు తెలియదంటూ సునిల్ వాపోయాడు.
బాధితుడి పాన్ కార్డ్ సంగ్రహించిన సైబర్ నేరగాళ్లు... ఇతడి వివరాలు వినియోగించి ఆన్లైన్లో ఇన్స్టంట్ లోన్ సదుపాయంతో ఈ రుణాలు పొందారని వెల్లడైంది. ఈ మేరకు సునీల్ ఫిర్యాదుతో సైబర్ క్రైమ్ పోలీసులు కేసు నమోదు చేసుకుని దర్యాప్తు ప్రారంభించారు. అసలు ఈ స్కామ్ ఎలా జరిగింది.. రుణం ఎవరెవరి ఖాతాల్లోకి వెళ్లింది... తదితర అంశాలు ఆరా తీయనున్నారు.
ఇదీ చూడండి : ఆ యాప్ సాయంతో.. సులభంగా సరకు రవాణా
