స్నేహితుల మధ్య ఘర్షణ.. పలువురికి గాయాలు

అల్వాల్ పోలీస్​స్టేషన్ పరిధిలోని ఇందిరానగర్​లో ఆకాశ్​, శుభం అనే ఇద్దరు స్నేహితుల మధ్య జరిగిన చిన్నపాటి వివాదం.. రెండు వర్గాల మధ్య ఘర్షణకు దారితీసింది. ఘటనలో పలువురికి స్వల్ప గాయాలయ్యాయి. గురువారం రాత్రి జరిగిన ఈ ఘటన ఆలస్యంగా వెలుగులోకి వచ్చింది.

ఆకాశ్​, శుభంలు కొద్దిరోజులుగా ఒకరిపై మరొకరు దుష్ప్రచారం చేస్తున్నారని ఆరోపణలతో ఇద్దరి మధ్య వివాదం తలెత్తింది. ఇద్దరూ కలిసి మాట్లాడుకుందామని ఇందిరానగర్​లోని ఆకాశ్​ ఇంటికి తమ స్నేహితులతో చేరుకున్నారు.

మాట్లాడుతున్న క్రమంలో ఇరు వర్గాల మధ్య మాటామాటా పెరిగి ఘర్షణకు దారితీసింది. ఘటనలో పలువురికి స్వల్ప గాయాలయ్యాయి. సమాచారం అందుకున్న పోలీసులు.. కేసు నమోదు చేసుకుని దర్యాప్తు చేస్తున్నారు.