నిర్మల్ జిల్లా కేంద్రంలోని రవినగర్ లో ఓ మహిళ మెడలో నుంచి గుర్తు తెలియని వ్యక్తులు బంగారు గొలుసును లాక్కొని వెళ్లారు. కాలనీలో ఏర్పాటు చేసిన దుర్గామాత అమ్మవారిని దర్శించుకోడానికి ముగ్గురు మహిళలు వెళ్తున్నారు. అదే సమయంలో బైక్పై వచ్చిన ఇద్దరు ముసుగు ధరించిన వ్యక్తులు పిల్లి వెంకట లక్ష్మి మహిళ మెడలో నుండి మూడున్నర తులాల బంగారు గొలుసును లాక్కొని వెళ్లారు.
బాధితురాలు కేకలు విని కాలనీకి చెందిన ఓ వ్యక్తి దొంగలను శివాజీ చౌక్ వరకు వెంబడించగా... అక్కడి నుండి ఆర్మూర్ వైపు పరారయ్యారు. బాధితుల ఫిర్యాదు మేరకు ఎస్సై రమేష్ ఘటనాస్థలానికి చేరుకొని వివరాలు తెలుసుకున్నారు. పోలీసులు ప్రత్యేక బృందాలుగా ఏర్పడి గాలింపు చర్యలు చేపట్టారు.
