వేగంగా వచ్చిన ఓ కారు.. ద్విచక్ర వాహనాన్ని ఢీ కొట్టిన ఘటన ఆదిలాబాద్ జిల్లాలో చోటుచేసుకుంది. ఈ ప్రమాదంలో ఉట్నూర్ పోలీస్స్టేషన్లో ఏఎస్సైగా విధులు నిర్వర్తిస్తున్న డేవిడ్.. ప్రాణాలు కోల్పోయారు. ఆయన భార్య స్వల్ప గాయాలతో బయటపడ్డారు.
నేరడిగొండ నుంచి భార్యతో కలిసి బుల్లెట్ వాహనంపై నిర్మల్ వైపునకు వెళుతున్న సమయంలో ఈ ప్రమాదం జరిగింది. ఈ ఘటనలో డేవిడ్ తలకు తీవ్ర గాయమైంది.
సంఘటన స్థలానికి చేరుకున్న పోలీసులు.. క్షతగాత్రులను హుటాహుటిన ఆస్పత్రికి తరలించారు. అప్పటికే పరిస్థితి విషమించిన డేవిడ్.. చికిత్స పొందుతూ తుదిశ్వాస విడిచారు.
కేసు నమోదు చేసుకున్న పోలీసులు దర్యాప్తు చేపట్టారు. టోల్ ప్లాజా వద్ద బైక్ను ఢీ కొట్టిన వాహనం.. హైదరాబాద్ వైపునకు వెళ్లినట్లుగా గుర్తించి, గాలింపు చర్యలు చేపట్టినట్లు తెలిపారు.
ఇదీ చదవండి: స్నేహితులు దూరం అవుతారని విద్యార్థిని ఆత్మహత్య
