ఆర్టీసీ బస్సులో మంటలు... తప్పిన ప్రమాదం

పటాన్​చెరు వద్ద ఆర్టీసీ బస్సులో అకస్మాత్తుగా మంటలు చెలరేగాయి. స్థానికులు గమనించి మంటలు ఆర్పే ప్రయత్నం చేశారు. అగ్నిమాపక సిబ్బంది రంగంలోకి దిగి అదుపు చేశారు.

సంగారెడ్డి జిల్లా పటాన్​చెరు జాతీయ రహదారిపై బీహెచ్​ఈఎల్ డిపోకు చెందిన ఆర్టీసీ బస్సులో ఒక్కసారిగా మంటలు చెలరేగాయి. దిల్​సుఖ్​నగర్ నుంచి వస్తున్న ఈ బస్సు వెనుక భాగంలో దట్టమైన పొగలు వచ్చాయి. స్థానికులు గమనించి డ్రైవర్​ను అప్రమత్తం చేసి బస్సు ఆపి మంటలు ఆర్పే ప్రయత్నం చేశారు. ఈ ఘటనతో జాతీయ రహదారిపై కాసేపు ట్రాఫిక్ స్తంభించింది. అగ్నిమాపక సిబ్బంది వచ్చి ప్రమాదాన్ని నిలువరించారు.

ఇవీ చూడండి: గుండ్లపోచంపల్లిలోని ఫర్నీచర్​ గోదాంలో భారీ అగ్నిప్రమాదం