కామారెడ్డి జిల్లా తాడ్వాయి మండల కేంద్రంలోని శబరిమాత ఆలయం ఎదుట రోడ్డుప్రమాదం చోటుచేసుకుంది. ఓ కారు ద్విచక్ర వాహనాన్ని ఢీకొట్టింది. ప్రమాదంలో బైకుపై ఉన్న కమ్మరి సిద్ధరాములు అనే వ్యక్తి అక్కడికక్కడే మృతి చెందగా.. కమ్మరి అంజయ్య అనే మరో వ్యక్తికి తీవ్ర గాయాలయ్యాయి.
విషయం తెలుసుకున్న పోలీసులు ఘటనా స్థలికి చేరుకున్నారు. క్షతగాత్రుడిని కామారెడ్డి ప్రభుత్వ ఆసుపత్రికి తరలించారు. బాధితులు ఎల్లారెడ్డి మండలం గండిమాసానిపేట్ గ్రామానికి చెందిన వారిగా గుర్తించారు. ఈ మేరకు కేసు నమోదు చేసుకుని దర్యాప్తు చేస్తున్నారు.
