ఆటోలో రక్తం కక్కుకుని చనిపోయాడు..

నిత్యం జన సంచారముండే ప్రాంతం అది. ప్రజలు ఎంత బిజీగా ఉన్నారంటే... పట్టపగలు ఓ వ్యక్తి నడిరోడ్డుపై రక్తం కక్కుతూ చనిపోయిన పట్టించుకోలేనంతా బిజీ. ఆటో నడుపుతూ.. అకస్మాత్తుగా ఫిట్స్​కు గురై ఓ డ్రైవర్ ప్రాణాలు వదిలిన ఘటన హైద్రాబాద్​లో జరిగింది.

హైదరాబాద్​ కర్మన్​ఘాట్​లో నివాసముండే ఆంజనేయులు ఆటో డ్రైవర్. రోజూ మాదిరిగానే డ్రైవింగ్​కి వెళ్లాడు. నారాయణగూడ నుంచి కాచిగూడ వైపు వెళ్తున్న క్రమంలో... మెట్రో స్టేషన్ వద్ద ఆంజనేయులుకు ఫిట్స్ వచ్చింది. పక్కకు ఆటో ఆపాడు కానీ... అక్కడే ఫిట్స్​తో రక్తం కక్కుని చనిపోయాడు.

ఇంత జరుగుతున్నా... అటుగా వెళ్తున్న ఎవరూ దీనిని గుర్తించలేకపోయారు. కనీసం ఎవరైనా చూసి ఉంటే ఆంజనేయులు ప్రాణాలు దక్కేవి. పోలీసులు ఘటనా స్థలానికి చేరుకుని శవపరిక్ష నిమిత్తం... ఉస్మానియా ఆస్పత్రికి తరలించారు.

ఇదీ చూడండి: 20ఏళ్లుగా చోరీలకు పాల్పడుతున్న ముఠా అరెస్ట్​