పునరావాస భూమిలో పనిచేసుకుంటున్న వ్యక్తిపై దాడి

సూర్యాపేట జిల్లా మఠంపల్లి మండలం పెదవీడు రెవెన్యూ పరిధిలో ఓ వ్యక్తిపై గుర్తు తెలియని దుండగులు ఇనుప రాడ్లతో దాడి చేశారు. పునారావాస భూమిలో పనిచేసుకునేందుకు వెళ్లిన తనపై ఓ పారిశ్రామికవేత్త దాడి చేయించాడని బాధితుడు పోలీసులకు ఫిర్యాదు చేశాడు.

మఠంపల్లి మండలం పెద్దవీడు రెవెన్యూ పరిధిలోని 540 సర్వే నెంబర్ భూమిలో ఓ వ్యక్తిపై దాడి జరిగింది. పునరావాస భూమిలో పనిచేసుకుంటున్న తనపై... ఓ పారిశ్రామికవేత్తకు చెందిన వ్యక్తులు.. ఇనుపరాడ్లతో దాడి చేశారని బాధితుడు మొత్యానాయక్​ పోలీసులకు ఫిర్యాదు చేశాడు.

గతంలో ఇలాంటి ఘటనలు జరిగాయని.. వాటిని మరవక ముందే దాడులు పునరావృతమవుతున్నాయని స్థానికులు తెలిపారు. దాడి చేసిన వారిని కఠినంగా శిక్షించాలని డిమాండ్​ చేశారు. బాధితుడి ఫిర్యాదుపై కేసు నమోదు చేసుకున్న పోలీసులు దర్యాప్తు చేస్తున్నారు.

ఇదీ చూడండి: రెండు ద్విచక్రవాహనలు ఢీ.. ఇద్దరు మృతి