వేరుశనగల ఆటోల్లో ఆంధ్రాకు అక్రమ మద్యం.. పోలీసుల పట్టివేత

రాష్ట్రం నుంచి ఏపీకి వేరుశనగల ఆటోల్లో అక్రమంగా మద్యం తరలిస్తున్న ఆరుగురు నిందితులను అనంతగిరి పోలీసులు పట్టుకున్నారు. వారి వద్ద నుంచి రూ.1.50 లక్షల విలువ చేసే మద్యం బాటిళ్లను స్వాధీనం చేసుకున్నారు.

సూర్యాపేట జిల్లా అనంతగిరి పోలీస్​స్టేషన్ పరిధిలోని దుర్గాపురం స్టేజీ వద్ద కోదాడ పట్టణం నుంచి ఆంధ్రాకు అక్రమంగా తరలిస్తున్న మద్యాన్ని అనంతగిరి పోలీసులు పట్టుకున్నారు. సుమారు 1.50 లక్షల విలువ చేసే మద్యం బాటిళ్లను స్వాధీనం చేసుకున్నారు.

కోదాడ పట్టణంలోని ఓ వైన్స్​లో మద్యం కొనుగోలు చేసి.. వేరుశనగల తరలింపు ముసుగులో.. వేరుశనగల కింద మద్యం బాటిళ్లను దాచి గుంటూరు జిల్లా తెనాలికి తరలిస్తుండగా పోలీసులు పట్టుకున్నారు. ఈ మేరకు రెండు ఆటోలను సీజ్​ చేసి.. ఆరుగురు నిందితులను అరెస్టు చేసినట్లు అనంతగిరి ఎస్సై రామాంజనేయులు తెలిపారు.