నాగర్కర్నూల్ జిల్లా కేంద్రం నల్లవెల్లి రోడ్డులోని మిషన్ కాంపౌండ్ సమీపంలో విషాదం జరిగింది. శ్రీనగర్ కాలనీకి చెందిన వినయ్(23) అనుమానాస్పద స్థితిలో మృతి చెందాడు. ఇటీవలే బీటెక్ పూర్తి చేసిన తమ కుమారుడి మృతితో కుటుంబ సభ్యులు కన్నీటి పర్యంతమయ్యారు.
గుర్తు తెలియని మృతదేహం ఉందన్న సమాచారంతో ఘటనా స్థలికి చేరుకున్న పోలీసులు... మృతుడు శ్రీనగర్ కాలనీకి చెందిన వినయ్గా గుర్తించారు. మృతదేహం సమీపంలో ద్విచక్రవాహనం, పర్సు లభించాయి. కేసు నమోదు చేసుకున్న పోలీసులు మృతుడిది హత్య..?, ఆత్మహత్య అనే కోణంలో దర్యాప్తు చేస్తున్నారు.
ఇదీ చూడండి: డీసీఎంను ఢీకొట్టిన బైక్.. చెలరేగిన మంటలు.. ఒకరు మృతి
