యువకుడి ప్రాణం తీసిన ఆన్​లైన్​ గేమ్​

సరదాగా మొదలెట్టిన ఆన్​లైన్​ గేమ్​ యువకుడి ప్రాణాలు తీసింది. ఆర్థికంగా దెబ్బతీసి ఆత్మహత్య చేసుకునేలా చేసింది. తల్లిదండ్రులకు తీరని శోకాన్ని మిగిల్చింది. ఈ విషాదకర ఘటన కరీంనగర్​లో జరిగింది.

కరీంనగర్​లోని కోతిరాంపూర్​కు చెందిన మహేశ్​(22) ఆన్​లైన్​ గేమ్​కు ఆకర్షితుడయ్యాడు. ఉన్నచోటే డబ్బులు సంపాదించాలనే అతివిశ్వాసంతో గేమ్​ను ప్రారంభించాడు. చివరకు ఉన్న డబ్బులు పోగొట్టుకున్నాడు. ఆర్థికంగా నష్టపోయి తిమ్మాపూర్ మండలంలోని అలుగునూర్ కాకతీయ కాలువలో దూకి ఆత్మహత్య చేసుకున్నాడు.

విషయం తెలుసుకున్న పోలీసులు ఘటనా స్థలికి చేరుకొని మృతదేహాన్ని బయటకు తీశారు. ఆన్​లైన్​ గేమ్​లతో యువత జాగ్రత్తగా ఉండాలని సూచిస్తున్నారు.

ఇదీ చూడండి: కారు నేర్చుకుంటూ.. కానరాని లోకాలకు..