ఆస్తి తగాదాల్లో అన్నను చంపిన తమ్ముడు

ఆస్తి విషయంలో అన్నదమ్ముల మధ్య జరిగిన గొడవ అన్నను బలితీసుకుంది. జయశంకర్​ భూపాలపల్లి జిల్లా రేగొండ మండలం తిరుమలగిరిలో ఈ ఘటన చోటుచేసుకుంది. పోలీసులు కేసు నమోదు చేసుకుని దర్యాప్తు చేస్తున్నారు.

జయశంకర్ భూపాలపల్లి జిల్లా, రేగొండ మండలం తిరుమలగిరి గ్రామంలో దారుణం చోటుచేసుకుంది. ఆస్తి తగాదాల్లో తోడబుట్టిన అన్నను తమ్ముడు బలితీసుకున్నాడు.

గ్రామానికి చెందిన బయ రాజయ్య(60), అతని తమ్ముడు నరసయ్య మధ్య కొన్నిరోజులుగా ఆస్తి విషయంలో వివాదాలు జరుగుతున్నాయి. ఈ క్రమంలో గురువారం గొడవ పెద్దది కావడంతో నరసయ్య రోకలిబండతో రాజయ్య తలపై బాదాడు. దీంతో రాజయ్య అక్కడికక్కడే మృతి చెందాడు. రేగొండ పోలీసులు కేసు నమోదు చేసుకుని దర్యాప్తు చేస్తున్నారు.

ఇదీ చదవండి: వెంచర్లో మహిళ మృతదేహం.. దారుణ హత్య!