ఐదు రోజుల క్రితం కురిసిన భారీ వర్షానికి ఇవాళ విద్యుదాఘాతంతో ఓ వ్యక్తి మృతి చెందాడు. ఈ ఘటన హైదరాబాద్ బాలానగర్ పరిధిలో చోటుచేసుకుంది. హైదరాబాద్ ఫతేనగర్కు చెందిన వెంకట నాయుడుకి బాలానగర్లోని ఓ చిన్న ఇంజినీరింగ్ పరిశ్రమ ఉంది. బుధవారం పడిన భారీ వర్షానికి తన పరిశ్రమలోకి నీరు చేరటం వల్ల మూసేశాడు.
శనివారం పరిశ్రమలోకి వెళ్లి నీటిని ఎత్తిపోసి... శుభ్రం చేసుకున్నాడు. తిరిగి పరిశ్రమకు వెళ్లి మిషన్ ఆన్ చేయగా... ఒక్కసారిగా కరెంట్ షాక్ తగిలి కిందపడ్డాడు. సమాచారం అందుకున్న తన భార్య హుటాహుటిన ఆసుపత్రికి తరలించగా... అప్పటికే మృతి చెందినట్లు వైద్యులు ధ్రువీకరించారు. కేసు నమోదు చేసుకున్న పోలీసులు దర్యాప్తు చేస్తున్నారు.
