కర్ణాటకలోని తూమ్‌కుర్‌ నుంచి ఆదిలాబాద్కు నిషేధిత గుట్కాను వ్యాన్‌లో తరలిస్తుండగా నిర్మల్ మండలంలోని కొండాపూర్ వద్ద పోలీసులు పట్టుకున్నారు. వాహనాల తనిఖీలు చేస్తుండగా... ఓ వ్యానుపై అనుమానం రావటం వల్ల పోలీసులు సోదా చేశారు. వ్యానులో 100 గుట్కా సంచులు బయటపడ్డాయి.
సరకును ఆదిలాబాద్‌లోని అస్లాం జనరల్‌ స్టోర్‌కు తరలిస్తున్నట్లు పోలీసులు తెలిపారు. గుట్కా విలువ రూ.11.92 లక్షలు ఉంటుందని, తరలిస్తున్న నిందితుడు ముజాహిద్‌ పాషాను అదుపులోకి తీసుకున్నట్లు పోలీసులు పేర్కొన్నారు. కేసు నమోదు చేసుకొని దర్యాప్తు చేస్తున్నట్లు తెలిపారు.
