మూడేళ్ల తర్వాత సౌదీకి ఖతార్​ రాజు

మూడేళ్ల తర్వాత సౌదీ అరేబియాలో అడుగుపెట్టారు ఖతార్ రాజు. గల్ఫ్​ అరబ్ దేశాల వార్షిక శిఖరాగ్ర సమావేశానికి హాజరయ్యారు. కొన్నేళ్లుగా ఖతార్​పై ఉన్న ఆంక్షలను సడలిస్తున్నట్లు సౌదీ ప్రకటించగా.. తమీమ్​​ ఈ సదస్సుకు హాజరయ్యారు.

సౌదీ అరేబియాలో జరుగుతున్న గల్ఫ్​ అరబ్​ దేశాల నేతల వార్షిక శిఖరాగ్ర సమావేశానికి ఖతార్​ రాజు షేక్​ తమీమ్​ బిన్​ హమ్మద్​ ఆల్​ తానీ హాజరయ్యారు. ఖతార్​పై కొనేళ్లుగా కొనసాగిస్తున్న ఆంక్షలను ఎత్తివేస్తున్నట్లు సౌదీ ప్రకటించింది. దీంతో తమీమ్​​ ఈ సదస్సుకు హాజరయ్యారు. సౌదీ చేరుకున్న తమీమ్​కు ఘనస్వాగతం పలికారు ఆ దేశ యువరాజు మహ్మద్​ బిన్ సల్మాన్​.

సౌదీ చేరుకున్న ఖతార్​ రాజు విమానం

విమానం దిగుతున్న ఖతార్​ రాజు

తమీమ్​కు ఘన స్వాగతం పలికిన సౌదీ రాజు

అందుకే ఆంక్షలు

ఇస్లామిక్​ గ్రూపులకు మద్దతివ్వడం, ఇరాన్‌తో స్నేహపూర్వక సంబంధాలు కొనసాగించడం వల్ల ఖతార్​పై 2017లో ఆంక్షలు విధించాయి నాలుగు అరబ్​ దేశాలు. అప్పటి నుంచి అరబ్​ దేశాలతో ఖతార్​కు ద్వైపాక్షిక, సామాజిక సంబంధాలు తెగిపోయాయి.

అయితే అమెరికాలోని డొనాల్డ్​ ట్రంప్ సర్కార్​ సాయంతో కువైట్​ మధ్యవర్తిత్వంతో అరబ్​ దేశాలు- ఖతార్ మధ్య దౌత్య సంబంధాల పునరుద్ధరణ జరిగింది.​ దీంతో సౌదీ ఆంక్షలు ఎత్తివేస్తున్నట్లు ప్రకటించింది. ఈక్రమంలో అల్-ఉలాలో జరుగుతున్న గల్ఫ్ అరబ్ నాయకుల వార్షిక శిఖరాగ్ర సమావేశానికి మూడేళ్ల తర్వాత తమీమ్​​ హాజరయ్యారు.

ఇదీ చూడండి: బ్రిటన్​ ప్రధాని బోరిస్​ జాన్​సన్​ భారత పర్యటన​ రద్దు