గాజాపై​ వైమానిక దాడి- కుప్పకూలిన భవనం

గాజాపై ఇజ్రాయెల్​ బలగాలు మరోసారి వైమానిక దాడులకు పాల్పడ్డాయి. ఈ ఘటనలో నగరంలోని ఓ పెద్ద భవనం కుప్పకూలింది.

ఇజ్రాయెల్​ బలగాలకు, హమాస్​ ఉగ్రవాదుల మద్య ఘర్షణలు కొనసాగుతూనే ఉన్నాయి. ఇజ్రాయెల్​ బలగాలు బుధవారం మరోసారి గాజా నగరంపై వైమానిక దాడికి పాల్పడ్డాయి. ఈ ఘటనలో గాజాలో ఓ భారీ భవనం కుప్పకూలింది.

ఈ ఘటన దృశ్యాలు.. స్థానిక ఇజ్రాయెల్​ టీవీ ఛానెళ్లలో ప్రసారమయ్యాయి. గాజా ఉగ్రవాదులు రాకెట్​లతో ప్రతిదాడులు చేస్తారని కథనాలు వెలువడ్డాయి.

గాజాలో మంగళవారం కూడా ఓ భవనంపై దాడి జరగగా.. హమాస్​ ఉగ్రవాదులు ప్రతి​ దాడి చేశారు.

ఇదీ చూడండి: 43కు చేరిన గాజా మృతుల సంఖ్య