ఇజ్రాయెల్లో మళ్లీ ఎన్నికలు
ఎన్నికైన 6 వారాల్లోనే పదవి కోల్పోయారు ఇజ్రాయెల్ ప్రధానమంత్రి బెంజమిన్ నెతన్యాహు. నిర్ణీత గడువులోగా సంకీర్ణ ప్రభుత్వాన్ని ఏర్పాటు చేయడంలో విఫలమైనందున పార్లమెంటు రద్దయింది. 74-45 ఓట్ల తేడాతో అంగీకారం తెలిపిన సభ్యులు.. ఇదే ఏడాది సెప్టెంబర్ 17న మరోసారి ఎన్నికల జరపాలని నిర్ణయించారు.
ప్రధాని హోదా పొంది ప్రభుత్వ ఏర్పాటులో విఫలం కావడం ఆ దేశ చరిత్రలో ఇదే తొలిసారి కావడం గమనార్హం. ఏప్రిల్ 9న జరిగిన ఎన్నికల్లో నెతన్యాహు విజయం సాధించారు. ఐదోసారి ప్రధానమంత్రిగా బాధ్యతలు చేపట్టారు.
సైన్యం నిర్బంధ సైనిక శిక్షణ నుంచి కొందరు విద్యార్ధులకు మినహాయింపు ఇవ్వాలనే బిల్లుపై కూటమి పక్షాల మధ్య విభేదాలు రాజకీయ సంక్షోభానికి దారితీశాయి. అనంతర పరిణామాలతో పార్లమెంటు రద్దయింది. ఫలితంగా.. మరోసారి ఎన్నికలు అనివార్యమయ్యాయి.
ఇదీ చూడండి: ఇజ్రాయెల్ ప్రధానిగా ఐదోసారి నెతన్యాహూ?
