దుబాయ్లో కొత్తగా నిర్మిస్తున్న హిందూ దేవాలయం వచ్చే ఏడాది అక్టోబరు నాటికి అందుబాటులోకి రానుందని స్థానిక మీడియా వెల్లడించింది. జెబిల్ ఆలీలోని గురు నానక్ దర్బార్ పక్కనే విలక్షణ అరేబియా రూపంలో నిర్మిస్తున్న ఈ దేవాలయాన్ని వచ్చే ఏడాది దీపావళీ సందర్భంగా తెరవనున్నట్లు పేర్కొంది. 25వేల చదరపు అడుగుల పరిమాణంలో.. 75 మిలియన్ దిర్హమ్ల అంచనా వ్యయంతో ఈ ఆలయాన్ని నిర్మిస్తునట్లు వెల్లడించింది.
యూఏఈలోని అతిపురాతన దేవాలయం సింధి గురు దర్బారు ఆలయ విస్తరణలో భాగంగా దీనిని నిర్మిస్తున్నట్లు అధికారులు తెలిపారు. ఈ ఆలయాన్ని 1950లో తెరిచారు.
ఆలయ పునాది పూర్తయినట్లు సింధి గురు ఆలయ ట్రస్ట్ సభ్యుడు రాజు ష్రాఫ్ తెలిపారు. 2022 దీపావళీ నాటికి భక్తులకు అందుబాటులోకి రానున్నట్లు పేర్కొన్నారు. ఈ ఆలయ నిర్మాణం పూర్తయినట్లయితే.. అనేక చర్చిలు, సిక్కు గురు నానక్ దర్బార్ ఉన్న ప్రదేశంలోనే ఓ హిందూ దేవాలయం ఉంటుందని ష్రాఫ్ చెప్పారు.
ఇదీ చూడండి: నేపాల్లో నిరసనలు- ఆందోళనకారులపై జలఫిరంగులు
