తాలిబన్లపై అఫ్గానిస్థాన్ భద్రతా బలగాలు జరిపిన దాడుల్లో 50 మంది హతమయ్యారు. హెల్మండ్ రాష్ట్రంలోని దక్షిణ ప్రాంతంలో శుక్రవారం రాత్రి ఈ దాడులు జరిపినట్లు రక్షణ శాఖ పేర్కొంది. ఈ మేరకు శనివారం ప్రకటన విడుదల చేసింది. రాష్ట్రంలోని లష్కర్ఘా, గరాంసిర్, నావా జిల్లాల్లోని తాలిబన్లు తలదాచుకునే ప్రాంతాలను గుర్తించామని తెలిపింది.
సాయుధుల్లో 50 మందిని హతమార్చామని, 8 మంది గాయపడ్డారని స్పష్టం చేసింది. ఘటనకు సంబంధించిన వివరాలను అఫ్గాన్ సైన్యాధికారి నవాబ్ షా జాద్రాన్ వెల్లడించారు. నావా, నాద్ అలీ, గరాంసిర్ జిల్లాలు సహా రాష్ట్ర రాజధాని అయిన లష్కర్ఘాలో శుక్రవారం రాత్రి దాడులు జరిపామన్నారు.
పథకం పన్నారు.. అందుకే..
రక్షణ బలగాలపై దాడులు జరిపేందుకు తాలిబన్లు పథకం పన్నారని నవాబ్ షా తెలిపారు. సాయుధులకు కమాండర్గా ఉన్న మువాల్వీ అబ్దుల్ సలాం కూడా మృతుల్లో ఉన్నాడని వెల్లడించారు. ఈ ఘటనపై తాలిబన్లు ఇంకా స్పందించలేదు.
ఇదీ చూడండి : 45 మంది ఉన్న బస్సును అపహరించిన తాలిబన్లు
