Wikipedia Top 25 Report : ప్రముఖ ఆన్లైన్ ఎన్సైక్లోపీడియా ప్లాట్ఫామ్ వికీపీడియాలో ఈ ఏడాది అత్యధిక వ్యూస్ సాధించిన పేజీల వివరాలను వికీమీడియా ఫౌండేషన్ వెల్లడించింది. ఈ మేరకు వార్షిక నివేదిక విడుదల చేసిన ఆ సంస్థ- ఇంగ్లిష్ వికీపీడియా ఈ ఏడాది 8,400 కోట్ల వ్యూస్ సాధించినట్లు తెలిపింది. అత్యధికంగా చాట్జీపీటీ పేజీని నెటిజన్లు వీక్షించారని వివరించింది. ఏఐ చాట్బాట్ ChatGPT 49,490,406 పేజ్ వ్యూస్తో తొలి స్థానంలో నిలవగా రెండో స్థానంలో 2023లో సంభవించిన మరణాలకు సంబంధించి సమాచారాన్ని వినియోగదారులు ఎక్కువగా అన్వేషించారు.
కాగా, అత్యధిక మంది వీక్షించిన పేజీల జాబితాలో భారత్కు చెందిన అంశాలు సైతం ఉన్నాయి. క్రికెట్, బాలీవుడ్ సినిమాలకు ఈ జాబితాలో చోటు దక్కింది. 'ఇండియా' పేజీని సైతం అత్యధిక మంది వీక్షించారు. ఏ పేజీని ఈ ఏడాది అత్యధికంగా వీక్షించారంటే?
Wikipedia Top Searches 2023 :
వికీపీడియాలో ఈ ఏడాది అత్యధిక పేజ్ వ్యూస్ సాధించిన ఆర్టికల్స్ ఇవే..
1. చాట్జీపీటీ- 49,490,406 పేజ్ వ్యూస్
2. 2023లో మరణాలు- 42,666,860 పేజ్ వ్యూస్
3. 2023 క్రికెట్ వరల్డ్ కప్- 38,171,653 పేజ్ వ్యూస్
4. ఇండియన్ ప్రీమియర్ లీగ్- 32,012,810 పేజ్ వ్యూస్
5. ఓపెన్హైమర్(మూవీ)- 28,348,248 పేజ్ వ్యూస్
6. క్రికెట్ వరల్డ్ కప్- 25,961,417
7. జే.రాబర్ట్ ఓపెన్హైమర్- 25,672,469
8. జవాన్(హిందీ మూవీ)- 21,791,126
9. 2023 ఇండియన్ ప్రీమియర్ లీగ్- 20,694,974
10. పఠాన్(హిందీ మూవీ)- 19,932,509
11. ది లాస్ట్ ఆఫ్ యూఎస్(టీవీ సిరీస్)- 19,791,789
12. టేలర్ స్విఫ్ట్- 19,418,385
13. బార్బీ(మూవీ)- 18,051,077
14. క్రిస్టియానో రొనాల్డో- 17,492,537
15. లియోనెల్ మెస్సీ- 16,623,630
16. ప్రీమియర్ లీగ్- 16,604,669
17. మాథ్యూ పెర్రీ- 16,454,666
18. యునైటెడ్ స్టేట్స్- 16,240,461
19. ఎలాన్ మస్క్- 14,370,395
20. అవతార్ : ది వే ఆఫ్ వాటర్- 14,303,116
21. ఇండియా- 13,850,178
22. లిసా మ్యారీ ప్రెస్లే- 13,764,007
23. గార్డియన్స్ ఆఫ్ ది గెలాక్సి Vol. 3- 13,392,917
24. రష్యా-ఉక్రెయిన్ యుద్ధం- 12,798,866
25. ఆండ్రూ టేట్- 12,728,616
తొలిసారి లిస్ట్లో క్రికెట్..!
క్రికెట్కు ప్రపంచవ్యాప్తంగా అధిక సంఖ్యలో ఫ్యాన్స్ ఉంటారు. కానీ, ఇప్పటివరకు వికీమీడియా రిపోర్ట్లో క్రికెట్కు సంబంధించిన ఆర్టికల్స్కు మాత్రం స్థానం దక్కలేదు. అయితే ఈసారి భిన్నంగా 16 శాతం పేజ్ వ్యూస్తో 2023 జాబితాలో ఏకంగా మూడో స్థానంలో నిలిచింది క్రికెట్. ఈసారి ఈ మెగా టోర్నీకి భారత్ ఆతిథ్యమివ్వడం కారణంగా చెప్పవచ్చు. మొత్తంగా క్రికెట్ వరల్డ్ కప్, 2023 ఇండియన్ ప్రీమియర్ లీగ్ ఆర్టికల్స్ వీక్షకులను కలుపుకొని మొత్తం 11.68 కోట్ల పేజ్ వ్యూస్ వచ్చాయి.
ఒక్క ఆర్టికల్ కోసం 2.65 లక్షల మంది..
వికీపీడియా ఆన్లైన్ కంటెంట్ ప్లాట్ఫామ్ను వికీమీడియా ఫౌండేషన్ అనే ఓ స్వచ్ఛంద సంస్థ నిర్వహిస్తోంది. దీనిని 2015లో ప్రారంభించారు. దీని ద్వారా ప్రతిఒక్కరూ తమకు కావాల్సిన సమస్త సమాచారాన్ని ఉచితంగా తెలుసుకోవచ్చు. ప్రారంభించిన తొలి ఏడాది నుంచే ఇలా అత్యధిక పేజ్ వ్యూస్ సాధించిన ఆర్టికల్స్ గురించి రిపోర్ట్ను ప్రచురిస్తూ వస్తోంది వికీమీడియా. ఒక వికీపీడియా ఆర్టికల్ తయారు కావాలంటే దానికోసం కనీసం 2 లక్షల 65 వేల మంది వలంటీర్లు పనిచేస్తారు. వీరే సమాచారాన్ని సేకరిస్తారు, క్రోడికరిస్తారు, పబ్లిష్ చేస్తారు, ఏమైనా మార్పులు చేర్పులు ఉంటే ఎడిట్ చేస్తారు. ఈ కథనాలు నిర్వహణ మొత్తం వీరే చూసుకుంటారు.
మళ్లీ పేలిన ఇండోనేసియా అగ్నిపర్వతం- 23కు చేరిన మృతుల సంఖ్య
ఖాన్‌ యూనిస్‌ రక్తసిక్తం- భారీగా బాంబు దాడులు- సొరంగాల్లో నీళ్లు నింపుతున్న ఇజ్రాయెల్!
