omicron variant: కొవిడ్ టీకా వేసుకున్న తర్వాత ఒమిక్రాన్ మొదటి వేరియంట్లు బీఏ.1, బీఏ2 సోకినవారికి వ్యాధి నిరోధకశక్తి వృద్ధి చెందుతుందని ఓ అధ్యయనం తెలిపింది. టీకా వేసుకుని ఒమిక్రాన్ మొదటి వేరియంట్ సోకని వారితో పోలిస్తే.. టీకా వేసుకున్న వారిలో నాలుగు రెట్లు రక్షణ అధికంగా ఉంటుందని అమెరికాకు చెందిన న్యూ ఇండియా జర్నల్ ఆఫ్ మెడిసిన్లో ప్రచురితమైంది. వ్యాధి నిరోధక శక్తి వృద్ధి చెందడం వల్ల ఒమిక్రాన్ ఉప వేరియంట్లు సోకే ప్రమాదం తక్కువని అధ్యయనంలో తెలిపారు.
టీకాలు వేసుకుని ఒమిక్రాన్ బీఏ.1, బీఏ.2 వేరియంట్లు బారినపడినవారికి తదుపరి వేరియంట్ బీఏ5 నుంచి హాని తక్కువగా ఉంటుందని అధ్యయనంలో తేలింది. పోర్చుగల్లో పరిశోధకులు ఈ అధ్యయనం చేశారు. దేశంలోని 12 ఏళ్లు దాటిన కొవిడ్ బాధితుల నమూనాలను అధ్యయనం కోసం తీసుకున్నామని తెలిపారు. ఒమిక్రాన్ వేరియంట్ కాక.. అంతకుముందు వచ్చిన సార్స్ 2 కొవిడ్ వైరస్పై కూడా పరిశోధనలో ప్రామాణికంగా తీసుకున్నామని తెలిపారు.
ఇవీ చదవండి: ఎన్నికల ఫ్రాడ్ కేసులో సూకీకి మూడేళ్ల జైలు శిక్ష.. శ్రీలంకకు గొటబాయ రాజపక్స!
జీతాల కోసం పైలట్ల బంద్.. నిలిచిన 800 విమానాలు.. దిల్లీలో ప్రయాణికుల తిప్పలు
