US Cop Caught On Tape Laughing : 'ఆమె విలువ తక్కువే'.. తెలుగు యువతి మృతిపై అమెరికా పోలీసు అహంకారం.. జోకులు వేసుకుంటూ..

US Cop Caught On Tape Laughing Telugu Student Death : ఈ ఏడాది ప్రారంభంలో రోడ్డు ప్రమాదంలో తెలుగు యువతి ప్రాణాలు కోల్పోయిన ఘటనలో అమెరికా పోలీసుల వ్యవహార శైలిపై తీవ్ర విమర్శలు వ్యక్తమవుతున్నాయి. యువతి చనిపోయిన ఘటన గురించి జోకులు వేసుకుంటూ తన సహచరుడికి చెప్పడం ఆ పోలీసు బాడీకామ్​లో రికార్డైంది. ఈ ఘటనపై అధికారులు విచారణకు ఆదేశించారు. అసలేం జరిగిందంటే?

US Cop Caught On Tape Laughing Telugu Student Death : అమెరికాలో కొందరు పోలీసుల తీరుపై తీవ్ర విమర్శలు వ్యక్తమవుతున్నాయి. గతంలో ఓ నల్లజాతీయుడి పట్ల అమానవీయంగా వ్యవహరించిన తీరుపై ప్రపంచవ్యాప్తంగా దుమారం రేగింది. ఇటీవల రోడ్డు ప్రమాదంలో చనిపోయిన తెలుగు యువతి ప్రాణాలకు విలువ లేదంటూ మరో అమెరికా పోలీసు తన అహంకారాన్ని బయటపెట్టుకున్నాడు. ప్రజలకు రక్షణ కల్పించాల్సిన పోలీస్ చేసిన ఈ వ్యాఖ్యలు దిగ్భ్రాంతి కలిగించాయంటూ ఉన్నతాధికారులు విచారణకు ఆదేశించారు.

జాహ్నవి చనిపోయిన ప్రాంతంలో పుష్పాంజలి (జనవరి 29 నాటి చిత్రం)

US Cop Indian Student : కర్నూలు జిల్లా ఆదోనికి చెందిన కందుల జాహ్నవి డిగ్రీ తర్వాత పై చదువుల కోసం 2021 సెప్టెంబరు 20న అమెరికా వెళ్లింది. సియాటెల్‌లో ఉంటున్న ఆమె.. ఈ జనవరిలో కళాశాలకు వెళ్లి వస్తుండగా రహదారి దాటుతున్న సమయంలో పోలీసు పెట్రోలింగ్‌ వాహనం ఢీకొట్టింది. ఈ ఘటనలో జాహ్నవి తీవ్రంగా గాయపడి అక్కడికక్కడే ప్రాణాలు కోల్పోయింది. ఆన్‌లైన్‌లో చక్కర్లు కొడుతున్న దృశ్యాల్లో పోలీసు అధికారి డేనియల్ అడెరెర్‌ ఈ ఘటనకు సంబంధించి మాట్లాడటం వినిపించింది. ఆ ఘటన గురించి సహచరుడికి వివరిస్తూ.. జోకులు వేసుకుంటూ, నవ్వుతూ మాట్లాడారు. ఆ మాటలన్నీ అతడి బాడీకామ్​లో రికార్డయ్యాయి. ఆమె ఒక సాధారణ వ్యక్తి అని, ఈ మరణానికి విలువ లేనట్టుగా మాట్లాడారు. ఆ సమయంలో పగలబడి నవ్వారు.

• Absolutely disgraceful....so so sad for the family of the victim 😢#Seattle #cop laughing about pedestrian killed by officer a day earlier pic.twitter.com/NmWLWSCeXv

  — Daily Viral (@DailyviralUS) September 12, 2023 " class="align-text-top noRightClick twitterSection" data="

  Absolutely disgraceful....so so sad for the family of the victim 😢#Seattle #cop laughing about pedestrian killed by officer a day earlier pic.twitter.com/NmWLWSCeXv

  — Daily Viral (@DailyviralUS) September 12, 2023

  ">

  Absolutely disgraceful....so so sad for the family of the victim 😢#Seattle #cop laughing about pedestrian killed by officer a day earlier pic.twitter.com/NmWLWSCeXv

  — Daily Viral (@DailyviralUS) September 12, 2023

బాడీకామ్ వీడియోలో రికార్డైన ప్రకారం డేనియల్ అడెరెర్‌ మాటలు ఇలా ఉన్నాయి.

"ఆయన (పోలీసు వాహనం డ్రైవర్) 50మీద వెళుతున్నారు. అది అతివేగం ఏమీ కాదు. నిర్లక్ష్యంగా కూడా వాహనం నడపడం లేదు. ఆయన నిపుణుడైన డ్రైవర్. ఆమె రోడ్డు దాటుతోందని చెప్పాడు. అలాంటిదేమీ లేదని ప్రత్యక్ష సాక్షి ఒకరు చెప్పారు. రోడ్డుకు 40 అడుగుల దూరంలో ఉందన్నారు. కానీ నేను అలా అనుకోవడం లేదు. ఆమె రోడ్డు దాటుతుండగా వాహనం ఢీకొట్టిందని అనిపిస్తోంది. తర్వాత డ్రైవర్‌ కారును వేగంగా ముందుకు తీసుకెళ్లాడు. కానీ ఆమె చనిపోయింది. ఆమె ఓ సాధారణ వ్యక్తి. రూ.11వేల డాలర్లు. ఆమె వయసు 26 ఉంటుంది. ఆమె విలువ తక్కువే ఉంది."
-డేనియల్ అడెరెర్, సియాటిల్ పోలీసు అధికారి

ఈ వీడియోపై సియాటిల్ కమ్యూనిటీ పోలీస్ కమిషన్ తీవ్రంగా పరిగణించింది. డేనియల్, అతడి సహోద్యోగి మధ్య జరిగిన సంభాషణ దిగ్భ్రాంతి కలిగించిందని, పోలీసు వ్యాఖ్యలు అమానవీయంగా ఉన్నాయని తెలిపింది. ఈ వ్యాఖ్యలపై విచారణ జరుపుతున్నట్లు పేర్కొంది. అయితే ఇలాంటి కేసుల విషయంలో న్యాయవాదులు వ్యవహరించే తీరును వ్యంగ్యంగా వ్యక్తపరిచినట్లు పోలీసు అధికారి వివరణ ఇచ్చారు. అయితే తన తప్పును పోలీసు అధికారి గుర్తించారని సియాటిల్ పోలీసు విభాగం తెలిపింది.

పోలీసు అధికారి తీరుపై నిరసన వ్యక్తం చేసిన ఆమె బంధువులు.. వారి కుమార్తెలు, మనవరాళ్లకైనా విలువ ఇస్తారో లేదో అని వ్యాఖ్యానించారు. ప్రాణానికి విలువ కట్టడం దురదృష్టకరమని పేర్కొన్నారు.