ఉక్రెయిన్ అధ్యక్షుడు వ్లాదిమిర్ జెలెన్స్కీ కీలక నిర్ణయం తీసుకున్నారు. ఇకపై వీసాలు ఉంటేనే రష్యా పౌరులను తమ దేశంలోకి అనుమతించనున్నట్లు ప్రకటించారు. జులై 1న ఈ విధానం అమల్లోకి వస్తుందని తెలిపారు. ఉక్రెయిన్ మీడియా ఈ మేరకు వెల్లడించింది.
రష్యా, ఉక్రెయిన్ పౌరులు ఎలాంటి వీసాలు లేకుండానే ఇరు దేశాలకు వెళ్లేవారు. అయితే ఉక్రెయిన్పై రష్యా దండయాత్ర చేపట్టిన తర్వాత పరిస్థితులు మారాయి. ఇరు దేశాల మధ్య నాలుగు నెలలుగా భీకర యుద్ధం జరుగుతోంది. ఉక్రెయిన్పై రష్యా దాడులు చేస్తూనే ఉంది. ఈ నేపథ్యంలోనే జెలెన్స్కీ రష్యా పౌరులకు వీసా విధానాన్ని ప్రకటించారు.
మరోవైపు తమ 27 దేశాల కూటమిలో చేరేలా దరఖాస్తు చేసుకునేందుకు ఉక్రెయిన్కు అవకాశం ఇవ్వాలని యూరోపియన్ యూనియన్ కార్యనిర్వాహక విభాగం సిఫారసు చేసింది. ఇది ఉక్రెయిన్కు ఊరటనిచ్చే విషయమే అయినప్పటికీ.. ఈ అధికార ప్రక్రియ పూర్తి కావడానికి చాలా సంవత్సరాలు పడుతుంది. ఉక్రెయిన్ దరఖాస్తుకు ఈయూ కూటమిలోని అన్ని దేశాలు ఆమోదం తెలపాల్సి ఉంటుంది. ఈయూ సిఫారసు విషయం తెలిసినప్పటికీ రష్యా మాత్రం ఏమాత్రం వెనక్కి తగ్గడం లేదు. ఉక్రెయిన్పై భీకర దాడులు కొనసాగిస్తూనే ఉంది.
ఇదీ చదవండి: 'కిమ్' రాజ్యం ఉక్కిరిబిక్కిరి.. కరోనాకు తోడు అంటువ్యాధులతో..!
