ఆయిల్ ఫ్యాక్టరీలో భారీ ప్రమాదం.. 110 మంది దుర్మరణం

100 killed in explosion at Nigeria: నైజీరియాలో జరిగిన ఘోర అగ్ని ప్రమాదంలో 100 మందికి పైగా కార్మికులు మరణించారు. అక్రమ చమురు శుద్ధి కర్మాగారంలో పేలుడు సంభవించడం వల్లే ఇంతటి ప్రాణనష్టం జరిగినట్లు అధికారులు తెలిపారు.

100 killed in explosion at Nigeria: నైజీరియాలో ఘోర అగ్ని ప్రమాదం జరిగింది. దక్షిణ రాష్ట్రమైన ఇమోలోని అక్రమ చమురు శుద్ధి కర్మాగారంలో జరిగిన ఈ దుర్ఘటనలో 100 మందికి పైగా కార్మికులు మరణించినట్లు అధికారులు తెలిపారు. పరారీలో ఉన్న నిర్వాహకుడి కోసం గాలిస్తున్నారు.

"ఇమో అటవీ ప్రాంతంలో భారీ పేలుడు శబ్దం వినిపించింది. వెంటనే ఆ ప్రాంతమంతా దట్టమైన పొగ వ్యాపించింది. ఇది చాలా దురదృష్టకరం. ఇప్పటివరకు 110 మృతదేహాలను గుర్తించాం."

-కొలిన్స్​ అజీ, చమురు సంస్థల నాయకుడు

నైజీరియా ప్రాంతంలో అక్రమ చమురు శుద్ధి కేంద్రాలు యథేచ్ఛగా కొనసాగుతున్నాయి. వీటిపై అనేక ఫిర్యాదులు తరచూ వస్తుంటాయి. చమురు సంస్థలకు సరఫరా చేసే పైప్​లైన్ల నుంచి ముడి చమురును చోరీ చేసి శుద్ధి చేస్తారు. వీటి వల్ల నైజీరియా ఆర్థిక వ్యవస్థకు భారీ నష్టం జరుగుతూ ఉంటుంది.

ఇదీ చదవండి: కట్టుబట్టలతో దేశం దాటిన అభాగ్యుడికి రూ.2కోట్ల లాటరీ.. అయినా బ్యాడ్​ లక్!