Israel parliament elections: ఇజ్రాయెల్లో రాజకీయ సుస్థిరతకు మళ్లీ భంగం కలిగింది. ప్రస్తుతం అధికారంలో ఉన్న రాజకీయ కూటమి.. పార్లమెంట్ను రద్దు చేసింది. త్వరలోనే ఎన్నికలకు వెళ్లాలని నిర్ణయించింది. ప్రస్తుతం ప్రధానమంత్రిగా ఉన్న నాఫ్తాలీ బెన్నెట్ సైతం ఆ పదవిలో నుంచి దిగిపోనున్నారు. కూటమిలో ప్రధాన భాగస్వామిగా ఉన్న యాయిర్ లాపిడ్ ఆపద్ధర్మ ప్రధానమంత్రిగా వ్యవహరించనున్నారు.
ఎనిమిది పార్టీలతో కలిసి ఏర్పడిన ఈ కూటమిని ముందుకు తీసుకెళ్లడంలో బెన్నెట్ విఫలమయ్యారు. కూటమిలో లుకలుకలతో రెండు నెలలుగా పార్లమెంట్లో మెజారిటీ లేకుండానే అధికారంలో కొనసాగారు. ఈ నేపథ్యంలోనే తాజాగా నిర్వహించిన చర్చలు పార్లమంట్ రద్దుకు దారి తీశాయి. ఈ మేరకు కూటమి నేతలు అంగీకారానికి వచ్చారు. దేశంలో త్వరలోనే ఎన్నికలు నిర్వహించనున్నారు. ఇవి మూడేళ్ల వ్యవధిలో జరిగే ఐదో ఎన్నికలు కానున్నాయి.
12ఏళ్ల పాటు అధికారంలో కొనసాగిన బెంజిమిన్ నెతన్యాహు పాలనకు తెరదించుతూ గతేడాది జనవరిలో ఇజ్రాయెల్ ప్రధానిగా నాఫ్తాలి బెన్నెట్ అధికారాన్ని చేపట్టారు. బెన్నెట్ రెండేళ్లపాటు ఈ పదవిలో కొనసాగాల్సి ఉంది. సిద్ధాంత పరంగా భిన్నమైన రాజకీయ పార్టీలతో వీరి కూటమి ఏర్పడింది. దీనిలో అరబ్ పార్టీతో పాటు.. అతివాద, వామపక్ష పార్టీలున్నాయి.
ఇదీ చదవండి:
