Israel Hamas War Latest : ఇజ్రాయెల్పై హమాస్ పక్కా ప్రణాళికతో దాడి చేసినట్లు నిర్ధరణ అయింది. ఇందుకోసం వేలమంది హమాస్ మిలిటెంట్లకు బహిరంగంగా శిక్షణ ఇచ్చిన వీడియో బహిర్గతమైంది. మెరుపుదాడుల కోసం ప్రత్యేక సాయుధ యూనిట్‌ తయారు చేసిన హమాస్... వారికి కఠోర శిక్షణ ఇచ్చినట్లు వీడియో ద్వారా తెలిసింది. ఆకాశం నుంచి చొచ్చుకొచ్చేందుకు మిలిటెంట్లకు పారా గ్లైడింగ్‌లో కూడా ప్రత్యేక శిక్షణ ఇచ్చింది. అన్ని సిద్ధం చేసుకున్నాకే.. పకడ్బందీగా ప్లాన్‌ను అమలు చేసింది హమాస్.
అన్నింటికీ శిక్షణ
Israel vs Hamas : బయటకు వచ్చిన ఈ వీడియోలో మిలిటెంట్లు బహిరంగంగా గాజాలోని ఓ మైదాన ప్రాంతంలో కఠోర శిక్షణ తీసుకోవడం కనిపిస్తోంది. రాకెట్ల శరపరంపర నుంచి భూ, గగనతలాల్లో చొరబాట్లు, బందీలను పట్టుకోవడం వరకు అన్నింటిలో ముందుగానే హమాస్ ఉగ్రవాదులు శిక్షణ తీసుకున్నారు.
కంచె తొలగించడం.. కాగితాల్ని కాల్చడం..
Israel Hamas War 2023 : ఇజ్రాయెల్- గాజా సరిహద్దుల్లో హైటెక్‌ సాంకేతికతతో, చాలా లోతు నుంచి తవ్వి శత్రు దుర్భేధ్యంగా ఏర్పాటు చేసిన కంచెను తొలగించే శిక్షణ తీసుకోవడం కూడా వీడియోలో కనిపిస్తోంది. ఇజ్రాయెల్‌లోకి ప్రవేశించిన తర్వాత పికప్‌ ట్రక్‌లతో ముందుకు సాగడం ప్రాక్టీస్ చేశారు. అడ్డువచ్చిన మనుషులపై కచ్చితత్వంతో కాల్పులు జరిపేందుకు వీలుగా కాగితపు బొమ్మలపై షూటింగ్‌ ప్రాక్టీస్ చేశారు. దేశంలోకి చొరబడ్డ తర్వాత సమాచారం సైన్యానికి చేరకుండా కమ్యూనికేషన్‌ యాంటెన్నాలను ధ్వంసం చేశారు. నిజంగా శనివారం బయట జరిగిన దాడిలో ఇదే జరిగింది. దాడి అనంతరం బందీలను తీసుకురావడం వ్యూహంలోని కీలకాంశం. ఇందుకూ మిలిటెంట్లు కఠోరమైన శిక్షణ తీసుకోవడం వీడియోలో కనిపిస్తుంది.
పారా గ్లైడింగ్ ప్రాక్టీస్..
Israel Hamas Latest News : రాకెట్లతో దాడి చేసి సైన్యాన్ని ఏమార్చిన తర్వాత.. గ్రౌండ్‌తో పాటు ఆకాశమార్గంలో దేశంలోకి చొరబడేందుకు మిలిటెంట్లు పారాగ్లైడింగ్‌ శిక్షణ కూడా తీసుకున్నారు. ఇంత బహిరంగంగా శిక్షణ కార్యక్రమాలు జరిగినా ఇజ్రాయెల్‌కు దీన్ని పసిగట్టలేకపోయింది. ఈ శిక్షణ, దాడికి సంబంధించిన విషయాలు హమాస్‌లోని కింది స్థాయి నేతలకూ తెలియకుండా జాగ్రత్తలు తీసుకుంది.
