China Air Jet Emergency Landing : చైనాకు చెందిన ఓ విమానానికి భారీ ప్రమాదం తప్పింది. 146 మంది ప్రయాణికులతో వెళ్తున్న విమానం ఇంజిన్లో మంటలు చెలరేగాయి. వాటి పొగలు క్రమంగా క్యాబిన్లోకి వ్యాపించాయి. దీంతో సింగపూర్లోని చాంగి విమానాశ్రయంలో అత్యవసరంగా విమానాన్ని ల్యాండింగ్ చేశారు సిబ్బంది. అనంతరం ప్రయాణికులను కిందకు దింపారు. ఈ క్రమంలోనే తొమ్మిది మంది ప్రయాణికులకు గాయాలపాలయ్యారు. ఆదివారం సాయంత్రం ఈ ఘటన జరిగింది.
అధికారులు తెలిపిన వివరాల ప్రకారం.. ఘటన జరిగిన A320 నంబర్ గల విమానం.. చైనాలోని సిచువాన్ ప్రావిన్స్‌లోని చెంగ్డూ నగరం నుంచి వచ్చింది. ప్రమాదాన్ని గమనించిన సిబ్బంది అత్యవరంగా విమానాన్ని ల్యాండ్ చేశారు. అనంతరం ప్రయాణికులు కిందకు దింపారు. ఉక్కిరిబిక్కిరి చేసే పొగ, హడావుడిగా ప్రయాణికులను కిందకు దింపే క్రమంలో 9 మందికి గాయాలయ్యాయి.
"విమానం ఫార్వర్డ్ కార్గో హోల్డ్, మరుగుదొడ్డిలోకి పొగలు వ్యాపించాయి. దీంతో అత్యవసరంగా విమానాన్ని ల్యాండ్ చేశాం. ప్రయాణికులు ఆందోళన చెందకుండా ముందే వారిని హెచ్చరించాం." అని విమాన సిబ్బంది తెలిపారు. విమానం ల్యాండింగ్ అనంతరం మంటలు అర్పివేశారు సహాయక సిబ్బంది. మెకానికల్ సమస్య కారణంగానే ఈ ప్రమాదం తలెత్తినట్లు ప్రాథమికంగా నిర్ధరణకు వచ్చారు చైనా అధికారులు. దీనిపై మరింత విచారణ జరుపుతామని వారు వెల్లడించారు.
విమానాన్ని ఢీకొట్టిన పక్షి.. ఇంజిన్లో మంటలు.. గాల్లో చక్కర్లు కొడుతూ..
Bird Collision With Plane : కొద్దిరోజుల క్రితం దుబాయ్ ఎయిర్లైన్కు చెందిన ఓ విమానాన్ని పక్షి ఢీకొట్టింది. దీంతో విమాన ఇంజిన్లో మంటలు చెలరేగాయి. ఇంజిన్లో సమస్యను గుర్తించిన పైలట్లు.. కాఠ్‌మాండూలోని త్రిభువన్ అంతర్జాతీయ విమానాశ్రయం ఏటీసీ (ఎయిర్ ట్రాఫిక్ కంట్రోలర్)కి సమాచారం ఇచ్చారు. అనంతరం ఏయిర్పోర్టు సమీపంలోకి వచ్చిన విమానం.. మంటలతో కొద్ది సేపు గాల్లో చక్కర్లు కొట్టింది.
విమానంలో మంటలు అంటుకున్నాయన్న సమాచారంతో త్రిభువన్ విమానాశ్రయం అప్రమత్తమైంది. ఫైర్ ఇంజిన్లను స్పాట్కు తరలించింది. అయితే, ఆ తర్వాత సమస్య పరిష్కారమైందని పైలట్లు తెలిపారు. అనంతరం మరో ఇంజిన్ సహాయంతో విమానం దుబాయ్‌లో సేఫ్ ల్యాండింగ్ అయింది. నేపాల్‌ రాజధాని కాఠ్‌మాండూలోని త్రిభువన్ అంతర్జాతీయ విమానాశ్రయం నుంచి 160 మంది ప్రయాణికులతో ఫ్లైదుబాయ్‌ సంస్థకు చెందిన 576 (బోయింగ్ 737-800) విమానం.. దుబాయ్కు బయలుదేరింది. వీడియో కోసం ఇక్కడ క్లిక్ చేయండి.
ఇంట్లోకి దూసుకెళ్లిన విమానం.. పైలట్, చిన్నారికి తీవ్ర గాయాలు.. లైవ్ వీడియో..
Fire accident: లారీ ఇంజిన్లో మంటలు... పేలిన 100 గ్యాస్ సిలిండర్లు
