కొవిడ్ ఆంక్షలు పూర్తి స్థాయిలో సడలించడం అత్యంత ప్రమాదకరమని ప్రపంచ ఆరోగ్య సంస్థ(WHO) ఎగ్జిక్యూటివ్ డైరెక్టర్ డాక్టర్ మైకేల్ రేయన్ హెచ్చరించారు. కొవిడ్ కట్టడిలో భాగంగా చేపట్టిన చర్యలను సడలించే క్రమంలో అత్యంత జాగ్రత్తగా వ్యవహరించాలని అన్నారు. వైరస్ వ్యాప్తి మళ్లీ పెరిగే అవకాశముందని అన్నారు.
బ్రిటన్లో కొవిడ్ విజృంభణ కొనసాగుతున్నప్పటికీ.. ఆంక్షలను ఎత్తేయాలని ప్రభుత్వం యోచిస్తోంది. ఈ అంశంపై మీడియా సమావేశంలో మాట్లాడిన డాక్టర్ మైకేల్ రేయన్.. అన్ని దేశాలు ఏదో ఒక రూపంలో లాక్డౌన్ను సడలిస్తున్నాయని చెప్పారు. సాధారణ పరిస్థితులు నెలకొల్పడం, వైరస్ వ్యాప్తి చెందకుండా చూడటం మధ్య సమతౌల్యాన్ని పాటించాల్సి ఉందని తెలిపారు.
వైరస్లో మార్పులు వస్తుండటం, సామాజిక జాగ్రత్తలు పాటించకపోవడం, అందరికీ టీకాలు అందకపోవడం ముప్పుగా పరిణమించిందని డబ్ల్యూహెచ్ఓ కరోనా వ్యవహారాల నిపుణురాలు మారియా వాన్ ఖెర్కోవ్ అభిప్రాయపడ్డారు.
ఇదీ చదవండి:
