ప్రపంచంపై కరోనా కరాళ నృత్యం చేస్తోంది. ప్రపంచవ్యాప్తంగా ఇప్పటివరకు 4కోట్ల 53లక్షల మందికిపైగా వైరస్ సోకింది. వారిలో 11లక్షల 85వేల మందికిపైగా మృతిచెందారు. కొవిడ్ బారినపడిన వారిలో ఇప్పటివరకు 3కోట్ల 29లక్షల మంది కోలుకున్నారు. 1.11 కోట్ల మంది చికిత్స పొందుతున్నారు.
ఐరోపా వ్యాప్తంగా కరోనా కేసుల సంఖ్య కోటి మార్క్ను దాటింది. మొత్తం 54 దేశాలలో ఈ కేసులు నమోదయ్యాయని ప్రపంచ ఆరోగ్య సంస్థ ఐరోపా ప్రాంత డైరెక్టర్ హన్స్ క్లూగే చెప్పారు. గత వారంలోనే సుమారు 15లక్షల మందికి కొవిడ్ పాజిటివ్గా తేలిందని ఆయన అన్నారు. వైరస్ వ్యాప్తికి ఐరోపా మరోసారి కేంద్ర బిందువుగా మారిందన్న క్లూగే.. కేవలం వారం రోజుల వ్యవధిలోనే 30శాతం మరణాలు పెరిగాయని ఆందోళన వ్యక్తం చేశారు.
- కరోనా కేసుల పరంగా తొలి స్థానంలో ఉన్న అమెరికాలో వైరస్ విజృంభిస్తోంది. ఒక్కరోజులోనే రికార్డు స్థాయిలో 91,530 మంది వైరస్ బారినపడ్డారు. బాధితుల సంఖ్య 92లక్షల 12వేలు దాటింది. మరో 1,047 మరణాలతో.. మృతుల సంఖ్య 2.34లక్షలకు పెరిగింది.
- బ్రెజిల్లో వైరస్ ఉద్ధృతి ఏమాత్రం తగ్గడం లేదు. మరో 26వేలకుపైగా పాజిటివ్ కేసులు నమోదయ్యాయి. మొత్తం బాధితుల సంఖ్య 55లక్షలకు చేరువైంది. కరోనా కారణంగా ఇప్పటివరకు అక్కడ 1.59లక్షల మంది చనిపోయారు.
- ఫ్రాన్స్లో గురువారం ఒక్కరోజే 47వేలకుపైగా కరోనా కేసులు వెలుగుచూశాయి. ఫలితంగా బాధితుల సంఖ్య 12లక్షల 82వేలు దాటింది. ఇప్పటివరకు అక్కడ 36వేల 20మంది వైరస్కు బలయ్యారు.
- రెండో దఫా కరోనా విజృంభణతో వణికిపోతున్న ఫ్రాన్స్ మరోసారి దేశవ్యాప్తంగా లాక్‌డౌన్‌ను విధించింది. కొవిడ్ బాధితులతో ఆసుపత్రులన్నీ నిండిపోతుండటంతో..ఆ దేశ అధ్యక్షుడు ఇమ్మాన్యుయేల్ మేక్రాన్ బుధవారం ఈ మేరకు ప్రకటన చేశారు. ఈ సరికొత్త లాక్‌డౌన్‌తో వైరస్‌ను అదుపులోకి తీసుకురాగలమని ఆయన ఆశాభావం వ్యక్తం చేశారు. డిసెంబరు 1వ తేదీ వరకు ఇది కొనసాగే అవకాశం ఉంది.
- ఆ నిబంధనల ప్రకారం గురువారం రాత్రి నుంచి అక్కడ బార్లు, రెస్టారెంట్లు, అత్యవసరం కాని వ్యాపారాలు మూసివేయాల్సి ఉంది. అలాగే ప్రజలు ఇళ్ల నుంచి బయటకు రావాలంటే రాతపూర్వక అనుమతులు తీసుకోవడం తప్పనిసరి చేశారు
- బ్రిటన్లో మరో 23,065 మందికి కొవిడ్ పాజిటివ్గా నిర్ధరణ అయింది. కేసుల సంఖ్య 9లక్షల 65వేల 340కు చేరింది.
- ఇటలీలో మరోసారి కొవిడ్ పంజా విసురుతోంది. మరో 26వేలకుపైగా కరోనా కేసులు బయటపడ్డాయి. బాధితుల సంఖ్య 6.16 లక్షలు దాటింది. ఇప్పటివరకు అక్కడ 19,164 వైరస్ మరణాలు నమోదయ్యాయి.
- ఇరాన్లో ఒక్కరోజులోనే 8వేలకుపైగా కరోనా కేసులు బయటపడ్డాయి. బాధితుల సంఖ్య 6 లక్షలకు చేరువైంది. మరో 399 మంది మృతితో.. మరణాల సంఖ్య 34,113కు పెరిగింది.
ఇదీ చదవండి- ఉష్ణ ప్రయోగంతో కరోనా పనిపట్టే మాస్కు!
