ప్రపంచవ్యాప్తంగా 100 కోట్ల కరోనా టీకా డోసులు పంపిణీ జరిగిందని ప్రపంచ ఆరోగ్య సంస్థ(డబ్ల్యూహెచ్ఓ) డైరెక్టర్ టెడ్రోస్ అథనోమ్ తెలిపారు. కానీ, వాటిలో 82 శాతం టీకా డోసులు.. అధిక, మధ్యాదాయ దేశాలకే చేరాయని చెప్పారు. అల్పాదాయ దేశాల్లో ఇప్పటివరకు 0.3 శాతం టీకా డోసులు మాత్రమే అందించారని ఆందోళన వ్యక్తం చేశారు. పోర్చుగల్లో జరిగిన ఓ ఆన్లైన్.. సమావేశంలో ఈ మేరకు వెల్లడించారు.
"అల్పాదాయ దేశాల్లో 0.3 శాతం టీకాలు మాత్రమే పంపిణీ జరిగింది. ఇదే అసలైన వాస్తవం. మహమ్మారి విసిరే సవాళ్లను ఎదుర్కోవటంలో.. వ్యాక్సిన్లను అందరికీ సమానంగా అందించడం చాలా ముఖ్యం. సామాజిక, ఆర్థిక, రాజకీయ స్థిరత్వాలకు పునాది ప్రజల ఆరోగ్యమే."
-టెడ్రోస్ అథనోమ్, డబ్ల్యూహెచ్ఓ డైరెక్టర్
ఇదీ చూడండి: '80 దేశాలకు టీకా, 150 దేశాలకు ఔషధాలిచ్చాం'
