ఫ్రాన్స్ ప్రభుత్వం ఇటీవల తీసుకొచ్చిన కొత్త జాతీయ భద్రత చట్టాన్ని వ్యతిరేకిస్తూ పెద్ద ఎత్తున ఆందోళనకు దిగారు ప్రజలు. ఈ క్రమంలో నిరసనకారులు, పోలీసుల మధ్య స్వల్ప ఉద్రిక్తత నెలకొంది. ఈ ఘటనల్లో 37 మంది పోలీసులు గాయపడినట్లు ఆ దేశ అంతర్గత శాఖ మంత్రి గెర్లాండ్ డార్మానిన్ తెలిపారు. పోలీసులపై దాడులు చేపట్టటాన్ని ఖండించారు.
పోలీసుల చిత్రాలను ప్రదర్శించటం నేరంగా పరిగణించే ముసాయిదా చట్టానికి వ్యతిరేకంగా.. ఫ్రాన్స్ దేశవ్యాప్తంగా ముఖ్యంగా పారిస్లో పెద్ద ఎత్తున ఆందోళనలు జరుగుతున్నాయి. ఈ చట్టానికి గత మంగళవారం పార్లమెంట్ ఆమోదం తెలిపింది. ఆ వెనువెంటనే ప్రజల్లో ముఖ్యంగా జర్నలిస్ట్ల్లో ఆగ్రహం చెలరేగింది. పారిస్లో భారీ సంఖ్యలో ప్రజలు రోడ్లపైకి వచ్చి ర్యాలీలు నిర్వహించారు. ఈ క్రమంలో పోలీసులకు, నిరసనకారులకు మధ్య ఘర్షణలు తలెత్తాయి.
పోలీసులు, భద్రత సిబ్బంది చిత్రాలను ప్రదర్శించటాన్ని నేరంగా పరిగణిస్తూ ఏడాది పాటు జైలు, 45 వేల యూరోల జరిమానా విధించేలా కొత్త చట్టంలో పొందుపరిచారు.
ఇదీ చూడండి: పాక్‌కు దిమ్మతిరిగే షాక్‌ ఇచ్చిన ఫ్రాన్స్
