బ్రిటన్ ప్రధానమంత్రి బోరిస్ జాన్సన్ తన తొలి విదేశీ పర్యటనలో భాగంగా ఈ వారం ఐరోపా దేశాలను సందర్శిస్తారు. రెండున్నర నెలలుగా... ఒప్పందాలు లేని బేషరతు బ్రెగ్జిట్ గురించి భయాలు పెరుగుతున్న నేపథ్యంలో ఆయన పర్యటన ప్రాధాన్యం సంతరించుకుంది.
"బోరిస్ జాన్సన్ బుధవారం బెర్లిన్ చేరుకుంటారు. జర్మనీ ఛాన్సలర్ ఏంజెలా మెర్కెల్తో చర్చలు జరుపుతారు. గురువారం పారిస్ వెళ్లి, ఫ్రాన్స్ అధ్యక్షుడు ఇమ్మాన్యుయేల్ మాక్రాన్తోనూ సమావేశమవుతారు."- డౌనింగ్ స్ట్రీట్ కార్యాలయం
బ్రిటన్కు ఈయూ సభ్యత్వాన్ని అమలుచేసే దశాబ్దాల నాటి చట్టాన్ని రద్దుచేయాలని బోరిస్ ప్రభుత్వం భావిస్తోంది.
బోరిస్ దౌత్యం..
ఫ్రాన్స్లో జరగనున్న జీ-7 శిఖరాగ్ర సదస్సుకు ముందు... బోరిస్ జాన్సన్ ఐరోపా దేశాల్లో దౌత్యపరమైన ప్రయత్నాలు ప్రారంభించడం ప్రాధాన్యం సంతరించుకుంది. బ్రెగ్జిట్ నిబంధనలపై మరోమారు చర్చలు చేపట్టాలని బోరిస్ కోరవచ్చు. లేదా బ్రెగ్జిట్కు ఆఖరి తేదీ అయిన అక్టోబర్ 31న ఈయూ నుంచి బ్రిటన్ వైదొలుగుతుందని హెచ్చరించవచ్చు.
గతేడాది అప్పటి బ్రిటన్ ప్రధాని థెరిసా మేతో కుదుర్చుకున్న ఒప్పందాన్ని పునఃసమీక్షించడానికి ఐరోపా సమాఖ్య నాయకులు పదేపదే నిరాకరించారు. బోరిస్ జాన్సన్కూ ఈ విషయంలోనే ఒత్తిళ్లు ఉన్నాయి. ఫలితంగా ఈయూ నుంచి ఎలాంటి ఒప్పందం లేకుండానే బ్రిటన్ వైదొలిగే అవకాశం ఉంది.
వెనుదిరిగే ప్రసక్తే లేదు..
'బ్రస్సెల్స్ నుంచి మా చట్టాల నియంత్రణను మేము తిరిగి తీసుకుంటామని' బ్రెగ్జిట్ వ్యవహారాల మంత్రి స్టీవ్ బార్క్లే స్పష్టం చేశారు.
"దేశ ప్రజలకు స్పష్టమైన సంకేతం ఇస్తున్నాం. వెనుదిరిగే సమస్యే లేదు. ఎట్టి పరిస్థితిల్లోనూ.... వాగ్దానం చేసిన విధంగా అక్టోబర్ 31న ఈయూ నుంచి (బ్రిటన్) వైదొలుగుతున్నాం. "- స్టీవ్ బార్క్లే, బ్రెగ్జిట్ వ్యవహారాల శాఖ మంత్రి
ఇదీ చూడండి: ప్రాణాధార వ్యవస్థపై అరుణ్ జైట్లీ... పరిస్థితి విష
మం
